77. Половинка (Исп. Б. Н. Уджаев)
Үгнь болн айснь
Уҗан Николай
Хад-чолун, моднднь
Хальмгин цергчнр ирцхәв.
Хәәкрәд дәврҗәсн хальмгудыг
Хәләшго һазрурнь йовулла.
Өндр көк моддуднь
Өндртән көкрҗ урһна.
Өрчәрн дүүрң ачлврта,
Өшәтнрлә сөрглдҗәсн хальмгудыг,
Дөчн дөрвдгч җилд
Дегдрүләд, мадниг көөлә.
Дөчнәс даву киитнднь
Дәәсрлкҗ, мадниг көдлүллә.
Широковский гидг ГЭС-нь
Шүрүн кииттә шуһу тайга.
Шуукрад киилсн амнднь
Шовһр мөсн урһдмн.
Сиврин ик аһутн —
Сүркә киитн һазр.
Сарсхр ёлкин бүчртнь
Сарам цасн ширлдмн.
Молотовин нертә областьд
Маниг күргҗ хайла.
Мөстә-цаста һазрт
Мана шүүсиг шимлә.
ГЭС-г тосхҗасн цагла
Гесм чигн өлслә.
Генүлксн олн хальмгудтаһан
ГЭС-иг тосхлһнд орлцлав.