64. Ѳнчн күүкнә дун / Песня девушки-сироты (Исп. А. Надяева, М. Сергеева, У. Очаркиева)
Ѳршәңгү уга киитнднь
Ѳрәд, бүсләд йовлав.
Ѳкәрләд өсксн аав-ээҗм,
Энд уханас һархш. / 2 д.
Көкрәд урһсн моднь
Көрәдх дутман хату.
Көкүләд өсксн аав-ээжм
Киитн Сиврт үлдв. / 2 д.
Ѳ-шуһу моднднь
Ѳлсәд, ундасад йовлав.
Ѳлсәд, ундасад йовхнь,
Ээлдг күмни уга-лай. / 2 д.
Тайга хада моднднь
Тенәд, зүүләд йовлав.
Теврәд өсксн аав-ээҗм
Темдг угаһар үлдв. / 2 д.
Ѳндртән урһгсн модн
Ѳдрин дуусн нәәхлнә.
Ээҗ аав хойр өргән заңһад уга [болснд], / 2 д.
Ѳнчн һанц үлдсн биләв.
Һалун шовун доңһдна —
Һазр-усн сангдна.
Һанц күүкнә нүднәс
Һашун нульмсн асхрна. /2 д.
Киитн Сиврин цаснд
Көл-һаран көлдәвв.
Көл-һаран көлдәхнь,
Көндәх күмни угалм. / 2 д.
Туула гидг аң
Тенд-энд тогльна.
Тоолад, ухалад йовхла,
Толһан үсн салвана. /2 д.