54. Мана крайин Сиврт дуулджах дун / Песня, что пели в наших сибирских краях (Исп. С. Б. Нимгирова)
Декабрь сарин хөрн нәәмн
Делкәд харш өдр билә.
Дөрвн час өрүһәр
Дегц хальмгудыг нүүлһв. / 2 д.
Ѳссн-боссн һазртан
Ѳрүһәр мендүһинь келләвидн.
Ѳвгд-эмгд туулһсн —
Ѳвәрц үзмҗ болв. / 2 д.
Бор бүркәтә машинднь
Бүл-бүләрн суулавидн.
Баһчуд, мана хөв
Басл кецүхн бәәҗ-л. / 2 д.
Төмр хаалһин йовдлднь
Төрл-саднасн саллавидн.
Төрл-садн гидгтн
Төрүц мартхш угавидн. / 2 д.
Дөрвн җилин туршарт
Дәәнд дөңгән өгләвидн.
Дәәнд йовсн мана ахнр
Дарунь ирхнь болтха! / 2 д.
Арвн зурһан җилин туршт
Хар көлсән өгләвидн.
Хорта Гитлерин дәәнәс көлтә
Хальмгин нутг нүүлһв. / 2 д.
Советин йосна шиидврәр
Сибирь орулҗ нүүлһв.
Сансн мана санан
Сән күцлтә болтха! / 2 д.