53. Элә гидг шовун / Птица коршун (Исп. Б. П. Азыдова)
Агчм цаһан альчурарн
Асхрсн нульмсан арчлав гинә. / 2 д.
Альхн чиңгә гинә Сиврин һазртнь
Альднь болвчн җирһхвидн. / 2 д.
Усн болсн гинә әркичн,
Уухин селгән ирсн гинә.
Учрсн хойр иньгин гинә
Ханьсх селгән ирвлә, ирвлә.
Һалун гидгнь шовун гинә —
Һашута сәәхн дуута гинә шовун. / 2 д.
Һалуна гинә дууһнь соңсхнь,
Һазр-усн сангдад йовна. / 2 д.
Элә гидг шовун гинә
Эргәд, эргәд, нисәд бәәнә.
Элгн-садн гинә, уга гидгинә,
Эн гинә хату зовлңгинь үзләв. / 2 д.
Зурмн гидг аңнь
Зун сарднь ишкрнә.
Зовлң үзх мадниг
Заяч юңгад заясн болхмб?