49. Сиврт бәәлһн / Жизнь в Сибири (Исп. Б. Чимидов)
Сиврин цаста һазртнь
Сәәхн моддуд урһна.
Эңкр һазран санхнь,
Элкн мини урсна.
Бүст күрсн цаснднь
Булхҗ, мод көрәднә.
Килнц уга хальмгуд
Көрәд, өлсәд йовна.
Бичә ууль — гихнь,
Төрүц болҗ өгхш-лә.
Бичә зов — гихнь,
Түрү бәәдл тәвхш.
Дүүнр, ахнр, эцкнр
Дәәнд Төрскән харсна.
Экнр, аавнр, үрдүднь
Энрҗ Сиврт зовна.
Бүст күрсн цаснднь
Булхҗ, мод көрәднә.
Килнц уга хальмгуд
Көрәд, өлсәд йовна.
Бичә ууль — гихнь,
Төрүц болҗ өгхш-лә.
Бичә зов — гихнь,
Түрү бәәдл тәвхш.