47. Сиврин дун / Сибирская песня (Исп. М. М. Мучиряева)
Үгнь болн айснь
Мучирән Мария
Дөчн һурвдгч җиллә,
Дәәнә һал көллә,
Көгшн бичкн угаг
Көөһәд авад һарла. / 2 д.
Хар ширтә вагонднь
Хәәкрәд, көөһәд орулцхала.
«Хәәрхн» — гиҗ зальврлдад,
Хальмгуд уульлдад сууцхала. / 2 д.
Өскҗәсн мал-гермүднь
Эҗго теегтән үлдлә.
Эздүднь бийснь, көөркс, өлсәд,
Олна мухлас болцхала. / 2 д.
Хар вагона үүднднь
Хәңкнәд, хәәкрәд серцхәлә.
«Хуурсн әмтс бәәхлә,
Хайтн нааран» — гицхәлә. / 2 д.
Эңкр ээҗиннь цогциг
Альд хайв гихв?
Хайснь һазрнь медхнь,
Халяд нисх биләв. / 2 д.
Сибирь, Сибирь, Сибирь гихлә,
Санхлань, зүркм шарклна.
Сибирь, Сибирь, Сибирь гихлә,
Санхлань, зүркм ишкрнә.
Санхлань, зүркм шарклна. / 2 д.