35. Сиврин дун / Сибирская песня (Исп. анс. «Шавдал»)
Декабрь сарин хөрн нәәмнд
Дегц хальмгудыг нүүлһлә.
Дегц хальмгудыг нүүлһв чигн,
Деерк бурхднь өршәтхә!
Садта-модта һазртнь
Салһад, мадниг хайла.
Салһад, хаяд йовв чигн,
Садн-элгнәсн хаһцулла.
Хальмгудын зальврдг бурхднь,
Хама-ла йовдг болхмб?
Халх-даарх цагтнь,
Хальчл болдгнь яһсмб?
Киитн Сиврин һазртнь
Мадниг хаяд күрглә.
Мадниг хаяд күргв чигн,
Күчр зовлң үзгдлә.