32. Сиврин дун / Сибирская песня (Исп. В. С. Убушиев)
Һалун гидг шовунь, шовунь —
Һашута дуута шовун гинә. / 2 д.
Һашута дуута шовуhинь соңсхнь,
Һазр-усн сангдад бәәнә. / 2 д.
Улан ширтә товарняк-вагонь
Уул hатлад йовна, йовна. / 2 д.
Улан залата хальмгуд, хальмгуд
Улан йоснд hундад йовна. / 2 д.
Киитн, киитн Сиврин салькнд
Көлдәд-көкрәд йовдг хальмг. / 2 д.
Зовлң үзх маниг, маниг
Заяч юңгад заясн болхв? / 2 д.
Хур орсн цагтнь, цагтнь,
Хар hазрнь көкрх, көкрх. / 2 д.
Хөвнь ирсн цагтнь, цагтнь,
Хальмг чигн җирhх, җирhх. / 2 д.