28. Сиврин дун / Сибирская песня (Исп. Н. Эрднеев)
Үгнь болн айснь
Матун Манца
Деед Советин шиидврәр
Делкә хальмгудыг көндәв.
Делкә хальмгудыг көндәвчн,
Дегд догшар көндәв.
Элст балһснас
Энрүләд авад һарв.
Энрүләд авад һарв чигн,
Эд-таварасн салһв.
Манц һолын тагтар
Машиһәр һатлһад авб.
Машиһәр һатлһад авбчн,
Мал-герәсн салһв.
Төмр хаалһин туршар
Түлкәд, чичәд суув.
Январь сарин арвн зурһанд
Ялуторовск балһснд авч ирв.
Ялуторовск балһснд авч ирвчн —
Яһсн киитн бәәсмб.
Деед Советин шиидврәр
Деревень болһн тарав.