26. Сиврин дун / Сибирская песня (Исп. Д. Б. Нандышев)
Улан залата хальмг нутгнь
Уулюлад-шууглдулад, авад һарад бәәнә. / 2 д.
Уулюлад-шууглдулад, авад һарад бәәхнь,
Урал һолднь күргәд хаяд бәәнә. / 2 д.
Нүүрс ачдг вагонь гинә
Нүүлһхин төлә сулдхдг билә. / 2 д.
Нүүлһхин төлә сулдхдг болвчн,
Нүүлтә, буйнтаһинь йилһхн яһна! / 2 д.
Урал һолын уснаснь
Уух селгән ирәд бәәв. / 2 д.
Учрсн элгн-саднаснь
Салх селгән ирәд бәәв. / 2 д.
Арат гидг аңнь гинә,
Альвн-дольвн аң гинә. / 2 д.
Альхн чигн Сиврин һазртнь
Альд йовҗ жирһхв? / 2 д.