22. Сиврин дун / Сибирская песня (Исп. Г. П. Горяева)
Декабрь сарин хөрн нәәмнд
Дегц хальмгудыг нүүлһлә.
Дегц хальмгудыг нүүлһв чигн,
Деедсндән зальврад йовцхана. / 2 д.
Бүтү америкин машинднь, машинднь
Бүләр-бүләрнь ачҗ йовна.
Бүләр-бүләрнь ачв чигн,
Баһчуд хөвдән һундна. / 2 д.
Сарул-сарул сөөднь, сөөднь
Сиврин тайгаһар чирнә.
Сиврин тайгаһар чирв чигн,
Садн-элгнәсн салһва.
Улан ширтә вагоһар, вагоһар
Уульлдулад, авад һарна.
Улан залата хальмгуднь
Ус уухар, идхәр түрнә.