3. Декабрь сарин хөрн нәәмнд / Двадцать восьмого декабря (Исп. Б. Н. Манджиева)
Декабрь сарин хөрн нәәмнд
Дегц хальмгудыг нүүлһәд бәәв.
Дегц хальмгудыг нүүлһв чигн,
Деедин олн бурхдан зальврад йовла.
Хо-улан үкрмүднь
Хашаһан эргҗ, мөөрәд, энләд үлдвә:
Хәләһәд эзлдг эздүднь
Хамаран авч йовсн, кен медхв?
Улан ширтә вагонднь
Уульлдулад, шууглдулад, авад һарла.
Уульлдулад, шууглдулад, авад һардг болв чигн,
Урдан тәвсн хөвдән ууляд-һундад йовла.
Җирихәр бәрсн гермүднь
Җирлһн болад, үлдәд бәәв.
Җирһлтәһәр бәәсн хальмгуднь
Җирһлтә һазрасн хольҗад бәәв.
Урал һолын усн
Үзх селгән ирв.
Учрсн хойр иньг
Салх селгән ирв.
Урал һолын усн
Уух дутман әмтәхн.
Ууһад, ухалад бәәхләнь,
Чееҗ батрсн болна.